इजरायली सेनाको गोलीबारीमा ७ महिनाका बालकको मृत्यु, आमाबुबा घाइते

इजरायलको सैन्य नियन्त्रणमा रहेको प्यालेस्टिनी भूभाग पश्चिमी किनाराको हेब्रोन क्षेत्र नजिक इजरायली सेनाले एक सवारी साधनमाथि गोली चलाउँदा सात महिनाका एक प्यालेस्टिनी शिशुको मृत्यु भएको छ भने उनका आमाबुबा घाइते भएका छन् । घटनाबारे प्यालेस्टिनी स्वास्थ्य मन्त्रालयले जानकारी दिएको हो ।

मन्त्रालयका अनुसार शिशुको अनुहारमा गोली लागेका कारण घटना स्थलमै मृत्यु भएको थियो । घाइते भएका उनका पिता र आमाको उपचार भइरहेको छ । आमाको अवस्था गम्भीर रहेको बताइएको छ । इजरायली सेनाले भने आफ्ना सैनिकले आफूतर्फ तीव्र गतिमा आइरहेको जस्तो देखिएको एक सवारी साधनलाई लक्षित गरी गोली चलाएको जनाएको छ ।