ला लिगा : महत्वपूर्ण खेल हार्‍यो रियाल मड्रिड

काठमाडौं । स्पेनिस ला लिगा फुटबलमा रियाल मड्रिड हारेको छ । शनिबार राती भएको खेलमा रियाल रियाल बेटिससँग २–१ गोल अन्तरले हारेको हो ।

सुरुवाती अग्रता लिए पनि पाहुना टोली रियाल मड्रिडले हार जोगाउन सकेन । रियाल मड्रिडका लागि १० औं मिनेट मै ब्राहिम डाएजले गोल गरेका थिए । रियाल बेटिसलाई जिताउन जोन्नी कार्डोसो र इस्कोले एक–एक गोल गरे । यो हारपछि दोस्रो स्थानमा रहेको रियाल मड्रिड तेस्रो स्थानमा पुगेको छ ।