सिमलतालमा सडक भासिँदा नारायणगढ-मुग्लिन सडक एकतर्फी सञ्चालन

नारायणगढ (चितवन)- नारायणगढ–मुग्लिन सडकखण्डअन्तर्गत चितवनको सिमलतालमा करिब ७० मिटर सडक भासिएपछि एकतर्फी रुपमा यातायात सञ्चालन गरिएको छ ।

सडक डिभिजन भरतपुरका सूचना अधिकारी इन्जिनियर कृष्णप्रसाद आचार्यका अनुसार आज साँझ सिमलतालमा सडक भासिएको हो । सडक भासिएपछि उक्त स्थानमा एकतर्फी यातायात सञ्चालन गरिएको उनले बताए ।