मैले सहकारी ठगेको छैन बरू ३ महिना सञ्चालक रहँदा २३ लाख फसेको छ- कबिन्द्र बुर्लाकोटी

राष्ट्रिय स्वतन्त्र पार्टीका महामन्त्री तथा गोरखा २ का सांसद कबिन्द्र बुर्लाकोटीले आफूले कहीँ सहकारी नठगेको बताएका छन्।

एक सहकारीमा ३ महिना सञ्चालक रहँदा आफ्नो २३ लाख रुपैयाँ फसेको उनको भनाइ छ।

‘मैले कहीँ सहकारी ठगेको छैन, बरू त्यो सहकारीमा जम्मा ३ महिना मलाई सञ्चालक राख्दा मेरो २३ लाख रुपैयाँ त्यो सहकारीमा फसेको छ,’ रास्वपा गोरखा जिल्ला अधिवेशन उद्घाटन गर्दै आज उनले भने, ‘मैले सहकारी ठगेको छैन, कसैको एक रुपैयाँ लिएको छैन।’

उनले ५ वर्षभित्र देशमा २ हजार उद्योग खोल्ने पनि बताएका छन्।