संसद् बैठक बस्दै नबसी स्थगित

काठमाडौं । प्रतिनिधिसभाको बैठक बस्दै नबसी स्थगित भएको छ । संसद्को अवरोध हटाउन सभामुख देवराज घिमिरेले बोलाएको बैठक बिनानिष्कर्ष सकिएपछि आइतबारको बैठक बस्दै नबसी स्थगित भएको हो ।

आइतबार दिउँसो १ बजेका लागि बोलाइएको बैठक पटकपटक सार्दा पनि सूचारु हुन नसकेपछि सोमबार दिउँसो १ बजे बस्नेगरी स्थगित भएको हो । सभामुख घिमिरेले प्रतिनिधिसभा बैठकको अवरोध हटाउन दलका प्रमुख सचेतक र सचेतकहरूसँग छलफल गरेका थिए । सभामुख घिमिरेले गरेको प्रयास असफल हुँदा सोमबार बस्ने बैठकमा समेत अवरोध कायम रहने देखिन्छ ।