बालबालिकाको अधिकार रक्षा भएको छ र ?

मानवअधिकार विश्वव्यापी छ । त्यही मानवअधिकारको एक महत्वपूर्ण अंश हो, बालअधिकार । यसका पनि विश्वव्यापी मान्यता छन् । बालअधिकार मानव भविष्यका अधिकार पनि हुन् । किनकि, बालबालिका भविष्यका कर्णधार, भविष्य निर्माता र भविष्यका नेतृत्व पनि हुन् ।

बालअधिकारको पहिलो अधिकार हो, जीवन र अस्तित्वको अधिकार । यसअन्तर्गत प्रत्येक बालबालिकालाई सुरक्षित र सम्मानजनक जीवन जिउने अधिकार छ । यो सबै कानुन र मान्यतानुसार व्याप्त छ ।