मोदी तेस्रो पटक प्रधानमन्त्री बन्ने मुस्लिम नेताको दाबी

एजेन्सी,१९ मंसिर । तीन राज्यमा भाजपाले बहुमत ल्याएपछि अल इन्डिया युनाइटेड डेमोक्रेटिक फ्रन्ट (एआईयूडीएफ) का अध्यक्ष बद्रुद्दीन अजमलको स्वर फेरिएको छ । उनले तीन राज्यको विधानसभा चुनावमा भाजपाको जितले नरेन्द्र मोदी तेस्रो पटक प्रधानमन्त्री बन्ने प्रमाणित भएको बताए ।

नतिजामा प्रतिक्रिया दिँदै अजमलले सोमबार मिडियालाई भने उनले राज्य चुनावमा बीजेपीले राम्रो प्रदर्शन गर्ने आशा गरेका थिएनन । उनले भने,“म कांग्रेसले कम्तीमा तीन राज्य जित्छ भन्ने सोचेको थिएँ, नतिजा हेर्दा नरेन्द्र मोदी तेस्रो पटक देशको प्रधानमन्त्री बन्ने स्पष्ट हुन्छ।“