नेपाली र हिन्दी भाषामा नेपाली चलचित्रको छायाँकन

काठमाडौं । यतिबेला सुनसरीको इटहरी स्थित बिएमसी छायाँकन स्टुडियोमा नेपाली चलचित्र ‘बलिदान’को छायाँकन भईरहेको छ । यो चलचित्रलाई नेपाली, हिन्दी र अन्य दक्षिण भारतीय भाषामा तयार गरिँदैछ । त्यहाँ ६ महिना लगायर स्टुडियो तयार गरेपछि छायाँकन थालिएको हो ।

निर्देशक सन्तोष सेनले यसअघि चलचित्र प्रेमपुजा ३ लाई हिन्दी भाषामा स्वराँकन गरेर भारतलगायत अन्य देश र ओटिटी प्लेटफर्ममा रिलिज गरेका थिए । तर यसपटक भने उनले सुरुमै यो चलचित्रलाई नेपालीसँगै हिन्दी भाषामा पनि छायाँकन गरिरहेका छन् ।