किमाथाङ्कामा फोरजी सेवा अवरुद्ध, स्थानीयवासी मर्कामा

काठमाडौँ । चीनसँग सीमा जोडिएको सङ्खुवासभाको दुर्गम हिमाली क्षेत्र भोटखोला गाउँपालिका–१ किमाथाङ्कामा शुक्रबारदेखि नेपाल टेलिकमको इन्टरनेट (फोरजी) सेवा पूर्ण रूपमा अवरुद्ध भएको छ।

भोटखोला–१ का वडाध्यक्ष नुर्पु च्यावाले किमाथाङ्का क्षेत्रमा नेपाल टेलिकमको फोरजी सेवा अचानक बन्द भएको जानकारी दिए। उनले सञ्चार सेवामा समस्या देखिएलगत्तै सम्बन्धित निकायलाई यसबारे जानकारी गराइसकेको र सेवा यथाशीघ्र सञ्चालनमा ल्याउन पहल भइरहेको बताए।