एसियाड क्रिकेटको क्वार्टरफाइनलमा नेपालले आज श्रीलङ्कासँग खेल्दै

काठमाडौँ । जापानमा जारी २०औँ एसियाली खेलकुदअन्तर्गत पुरुष क्रिकेटको क्वार्टरफाइनलमा नेपालले आज श्रीलङ्कासँग खेल्दै छ । खेल निसिनस्थित कोरोगी स्पोर्ट्स पार्कमा नेपाली समयअनुसार बिहान पौने ६ बजे सुरु हुनेछ । समूह ‘ए’को विजेता बनेर नेपाल अन्तिम आठमा पुगेपछि श्रीलङ्का प्रतिद्वन्द्वीका रूपमा पक्का भएको हो ।

नेपाल र जापानबिच शनिबार भएको समूह चरणको खेल वर्षाका कारण पूरा हुन नसकेपछि दुवै टोलीले १–१ अङ्क बाँडे । त्यससँगै नेपालले दुई खेलबाट ३ अङ्क जोड्दै समूह विजेता बन्यो ।