बा : एक योद्धा बाउ–छोराको सम्बन्धदेखि विपत्तिसम्म

आगामी भदौ १९ गते रिलिजमा आउने फिल्म बा ः एक योद्धाको पोस्टर सार्वजनिक भएको छ। निर्माण टिमले फिल्मको मर्मस्पर्शी टिजर पनि सार्वजनिक गरेको छ।

सार्वजनिक पोस्टरमा फिल्मका दुई कलाकार माओत्से गुरुङ र अनिल बुढाथोकी देखिएका छन्। उनीहरू ग्यारेजमा उभिएर तस्बिरका लागि पोज दिइरहेका छन्। माओत्से र अनिलको पहिरन तथा त्यसमा देखिएको मोबिलको कालोले उनीहरू ग्यारेज सञ्चालन गरेर बसेका मिस्त्री हुन् कि भन्ने संकेत गर्छ। पोस्टरले बुबाले खोलेको ग्यारेजमै छोराले पनि काम गरिरहेको देखाएको छ। बुबाको पदचाप पछ्याउने छोराको कथा देखाउन खोजिएको संकेतका रूपमा पोस्टर आएको अनुमान गर्न सकिन्छ। अनिलको कर्मापछिको यो दोस्रो फिल्म हो।