विद्युत् मर्मतका क्रममा करेन्ट लागेर कर्मचारी गम्भीर घाइते

२४ जेठ, गुल्मी । गुल्मीको मालिका गाउँपालिका–३ ह्वाङ्दीमा विद्युत् मर्मत गर्ने क्रममा करेन्ट लागेर एक कर्मचारी गम्भीर घाइते भएका छन्।

जिल्ला प्रहरी कार्यालय गुल्मीका अनुसार आइतबार दिउँसो करिब २:३० बजे विद्युत् प्राधिकरण गुल्मीमा कार्यरत मालिका गाउँपालिका–५ छापाहिले निवासी ३० वर्षीय सूर्यबहादुर थापा विद्युतको पोलमा चढेर मर्मत कार्य गरिरहेका बेला अचानक करेन्ट लागेर दुर्घटनामा परेका हुन्।