एनपीएलः ब्याटिङमा विदेशी चम्किँदा, बलिङमा नेपाली खेलाडीको वर्चश्व

काठमाडौँ। मंसिर १ गतेदेखि सुरु भएको नेपाल प्रिमियर लिग (एनपीएल) दोस्रो सिजनमा हालसम्म २४ खेल सकिँदा प्रतियोगितामा केही रोचक नतिजा देखिए । ब्याटिङतर्फ विदेशी खेलाडीहरूले उत्कृष्ट प्रदर्शन गर्दै शीर्ष स्थान ओगटेका छन् भने बलिङतर्फ नेपाली खेलाडीहरूको बलियो उपस्थिति देखिएको छ ।

ब्याटिङमा पोखरा एभेन्जर्सका एडम रोसिङ्टन ६ खेलमा २५८ रन बनाएर पहिलो स्थानमा छन् । उनका पछाडि कर्णाली याक्सका मार्क वाट रहेका छन्, जसले एक शतकसहित २४२ रन जोडेका छन् । वाटले बनाएको ११४ अविजित रन हालसम्म यो सिजनको सबैभन्दा ठुलो व्यक्तिगत स्कोर बनेको छ ।