निषेधाज्ञाका नाममा ‘सीडीओ शासन’को झल्को

काठमाडौँ– जम्माजम्मी एक दिनका लागि घोषणा गरिएको, दुई समूहद्वारा आयोजित बिहीबारको काठमाडौँकेन्द्रित शक्ति प्रदर्शन कस्तो होला र त्यसले के गर्ला भन्ने त प्रष्ट भइसकेको छैन। तर प्रमुख प्रतिपक्ष नेकपा एमालेनिकट राष्ट्रिय युवा संघ नेपाल र मेडिकल व्यवसायी दुर्गा प्रसाईं नेतृत्त्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ले गर्न लागेको यही प्रदर्शनलाई देखाएर काठमाडौँमा धेरैथोक भइसकेको छ। खासगरी सरकारले यही बहानामा काठमाडौँ उपत्यकामा संकटकालीन अवस्थाकै झल्को दिनेगरी निषेधका आदेश जारी गर्ने शृंखला कायमै राखेको छ।