गायिका खरेल पनि आफ्नै व्यवसायमा

काठमाडौं– साउनको पहिलो सोमवारको अवसर पारेर लोकप्रिय गायिका एलिना चौहानले ‘रमणी बाई एलिना’ नाम राखेर लुगाको शोरुम सञ्चालन गरेकी छिन् । गायिका चौहानले सांगीतिक क्षेत्रभन्दा भिन्दै क्षेत्रमा लगानी गरेको कुरा चर्चाका विषय बनेको छ ।

यसैबीच, अर्की लोकप्रिय गायिका आगन्तुक खरेलले पनि अब आफ्नै व्यवसाय सञ्चालन गर्ने भएकी छिन् । गायिका खरेलले काठमाडौंको शंखमुलमा ब्यूटी सलून सञ्चालनमा ल्याएकी छिन् । प्रीटि सलून नाम राखेर गायिका खरेलले सञ्चालनमा ल्याएको यो सलूनको ग्राण्ड ओपनिङ भने यहि साउन १७ गते आइतवार हुँदैछ ।