कृष्णथुम्कीमा ‘श्रीकृष्णको गाईको खुर’ हेर्न आउँछन् पर्यटक

इलामसँग सिमाना जोडिएको झापाको कृष्णथुम्कीमा पर्यटकीय आकर्षण बढेको छ । महाभारतकालीन पौराणिक कथनअनुसार द्वापरयुगमा पाँच पाण्डव गुप्तबास बसेका बेला भगवान् श्रीकृष्ण गाई चराउँदै कृष्णथुम्कीमा पुग्नुभएको थियो ।

मेचीनगर नगरपालिका-१ मा रहेको पाँच वटा थुम्कीमध्ये मुख्य डाँडो ‘कृष्णथुम्की’ हो । जहाँ श्रीकृष्णका गाईहरूको खुरको शिला अहिले पनि मन्दिरमा राखिएको जनविश्वास छ । खुरको दर्शन गर्न बर्सेनि हजारौँ भक्तजन यहाँ आउने गरेका कृष्णथुम्की विकास समितिका अध्यक्ष हिम्मत क्षेत्रीले बताउनुभयो ।