सरकारद्वारा कप्तानगञ्ज घटनाको स्थलगत अध्ययन सुरु, गृह मन्त्रालयको टोली घटनास्थलमा

सुनसरीको देवानगञ्ज गाउँपालिका–३, कप्तानगञ्जमा भएको सामुदायिक झडपको घटनाबारे अनुसन्धान गर्न गृह मन्त्रालयले गठन गरेको छानबिन समिति बुधबार घटनास्थल पुगेको छ।

गृह मन्त्रालयका सहसचिव भूपेन्द्र थापाको नेतृत्वमा रहेको पाँच सदस्यीय टोलीले घटनास्थलको निरीक्षण गर्नुका साथै स्थानीय बासिन्दा, सरोकारवाला निकाय र पीडित परिवारसँग छलफल थालेको छ। समितिमा नेपाल प्रहरी र सशस्त्र प्रहरी बलका एसपीसमेत सदस्यका रूपमा रहेका छन्।