एभोकाडो महिमा

नेपालमा भूबनोटका कारण खाद्यान्न, नगदेबाली, सागसब्जी, फलफूललगायत खेती प्रचुर मात्रामा गर्न सकिन्छ । तर, विगतमा फलफूल खेती ओझेलमा परेकाले यसबाट हालसम्म पनि मागअनुरूप उत्पादन गर्न नसकिएकाले विदेशकै भर पर्नुपरेको छ । फलफूलको माग दिनदिनै बढेकाले आयात तीव्र बढिरहेको छ । फलतः फलफूल आयातका लागि प्रत्येक वर्ष झन्डै २० अर्ब रुपैयाँ बाहिरिन्छ ।

विभिन्न ठाउँमा हावापानी सुहाउँदो फलफूल खेती गर्नसके किसानको आयआर्जन मात्र वृद्धि नभई कुल गार्हस्थ्य उत्पादनमा समेत केही योगदान पुग्नसक्छ । यसै सन्दर्भमा एभोकाडो खेतीले पनि महŒवपूर्ण भूमिका खेल्नसक्छ । एभोकाडो एक उष्ण प्रदेशीय फल हो । यसको वैज्ञानिक नाम ‘पेर्से अमेरिकाना’ हो ।