सिटीका सीईओको दाबी-आरोपविरुद्ध लडाइँ अझै लामो छ

म्यानचेस्टर सिटीका प्रमुख कार्यकारी अधिकृत फेरान सोरियानोले क्लबमाथि लागेको प्रिमियर लिगका आर्थिक नियम उल्लंघनसम्बन्धी आरोपविरुद्ध कानुनी लडाइँ जारी रहने बताएका छन्।

युरोपियन फुटबल क्लब्सको बोर्ड बैठकमा सहभागी हुँदै सोरियानोले सिटीमाथिको प्रक्रिया अझै लामो समय चल्ने बताएका छन्। डेनमार्कको कोपेनहेगनमा भएको बैठकमा उनले क्लबले आरोपविरुद्ध लडिरहने धारणा राखेका थिए।