यार्सा टिप्नेहरूका जोखिम

हिमाली जिल्ला डोल्पामा अन्नबाली खासै हुँदैन। वर्षभरको खेतीले दुई महिना पनि पुग्दैन। बेसाहाको मानो किन्ने सामथ्र्य पनि कमैले राख्छन्। रोजीरोटीका लागि रोजगारीको कुनै बाटो छैन। प्रकृतिले अनौठो जीव/वनस्पति यो जिल्लाका लेकहरूमा सृष्टि गर्छ। त्यो यार्सा हो।

विश्वकै दुर्लभ यो जीव संकलन गर्ने र बिक्री गर्ने अनि हातमुख जोर्ने उपाय वर्षाैंअघिदेखि नै चल्दै आएको छ। अरू पनि जिल्लामा यस्तो चलन छ। र, डोल्पामा पनि। त्रिपुरासुन्दरीलगायत डोल्पाका उपल्लो भेगका गाउँका बासिन्दाले छाक टार्ने मेलोमेसो जुटाउने माध्यम नै यार्सा संकलन हो। बोलीचालीको भाषामा यार्सा संकलनलाई कीरा टिप्ने पनि भनिन्छ। यो कीरा जति दुर्लभ र बहुमूल्य हुन्छ, यसको संकलन उति नै जटिल जोखिमपूर्ण पनि।