बागलुङमा बाढीपहिरोको कहर : मृतकको सङ्ख्या १२ पुग्यो, एक जना अझै बेपत्ता

बागलुङ ।

बागलुङमा पछिल्लो तीन दिनयता आएको बाढीपहिरोमा परी मृत्यु हुनेको सङ्ख्या १२ पुगेको छ । विपद्मा परी एक जना अझै बेपत्ता छन् । जिल्लाका विभिन्न स्थानमा गएको पहिरोले घर पुरिँदा मानवीय क्षति भएको हो । पछिल्लो घटनामा ताराखोला गाउँपालिका–५ सिपमा पहिरोले घर पुरिँदा दुई जनाको मृत्यु भएको जिल्ला प्रहरी कार्यालयले जनाएको छ ।