जसले नेपालका लागि बेलायती नागरिकता त्यागे

पोखरा । न त उनी नेपाली होइनन्, तर उनले ‘नेपाल’कै खातिर बेलायती नागरिकता त्यागे र जीवनभरका लागि नेपालीको सेवामा आफूलाई अर्पण गरे । ‘नेपाली हुँ’ भन्नेले धमाधम नेपाली नागरिकता त्यागिरहेका बेला जेपी क्रसले भने २०३२ सालदेखि नेपालमा स्थायी बसोबास थालेका हुन् । आज उनी सय वर्ष पुगेका छन्, अर्काे अर्थमा ‘शताब्दी पुरुष’ । उनै बेलायती नागरिक र ब्रिटिस सेनाका कर्णेल जेपीले शुक्रबार नेपालीको न्यानो माया पाए ।

नेपाली राष्ट्रियताका हिमायती, कला–संस्कृतिका संरक्षक शताब्दी पुरुष कर्णेल जेपीलाई सय वर्षमा प्रवेश गरेको उपलक्ष्यमा विशेष कार्यक्रमबीच ठाडोभाका लोककला प्रतिष्ठान नेपाल, लमजुङले अभिनन्दन गरेको हो ।