मर्कटस्य सुरापानं…

मैले आजभन्दा ४ वर्षअघि २८ जुन २०२० का दिन सामाजिक सञ्जाल फेसबुकमा यस्तो लेखेको रहेछु ।

‘भर्खरै प्रधानमन्त्रीज्यूको प्रवचन सुनें ! मदन भण्डारीको जन्मजयन्तीका अवसरमा आयोजित समारोहमा सम्माननीयज्यूको ‘विद्वता’ राम्रै झल्किन्थ्यो र साच्चै भनौं भने पोखिएको थियो ! उहाँको ओहदा धरापमा परेको उहाँले सकार्नुभएको छ ! उहाँलाई प्रधानमन्त्री पदबाट हटाउन ‘धेरै’ सक्रिय रहेको बताउन बिर्सनुभएन । उहाँलाई हटाउनसक्ने त उहाँकै क्रान्तिकारी दलले मात्र हो ! उहाँले नेताहरूलाई ‘हतार नगर्न’ भन्नुभयो !! उहाँले आफूलाई महानतम् राष्ट्रवादीका रूपमा प्रस्तुत गर्दै नेकपाको राष्ट्रवाद कमजोर नभएको बताउँदै आफू नहट्ने हुंकार गर्नुभयो !!