विपत्तिको सुरुङभित्र टनेल २६

नेपाल, भुटान र भारतको सहकार्यमा निर्माण भएको फिल्म टनेल २६ ः द कर्स बिनिथ द माउन्टेनले प्रदर्शनको तयारीसगै ट्रेलरमार्फत कथाको संकटपूर्ण संसार सार्वजनिक गरेको छ। ललितपुरमा आयोजित कार्यक्रममा सार्वजनिक गरिएको पौने तीन मिनेटको ट्रेलरले भुटानको एक जलविद्युत् सुरुङभित्र भएको हताहतीपछि उत्पन्न हुने संकट, त्यसबाट सिर्जित परिस्थितिस“गै पात्रहरूले गर्नुपर्ने संघर्षलाई केन्द्रमा राखेको छ।

डिजास्टर जनरामा निर्माण भएको फिल्म भुटानमा भएको वास्तविक घटनाबाट प्रेरित रहेको निर्माण पक्षले जनाएको छ। फिल्मलाई असोज २३ गते नेपाल र भुटानका हलमा प्रदर्शन गर्ने तयारी छ। ट्रेलर सार्वजनिक कार्यक्रममा सहभागी हुन भुटानबाट १६ सदस्यीय टोली नेपाल आएको थियो भने नेपाली तथा भुटानी निर्माता पनि कार्यक्रममा उपस्थित थिए।