चितवनको स्पष्टीकरणले पुगेन, बालेनसँग सदनमै खण्डन खोज्दै ओली !

प्रधानमन्त्री वालेन्द्र (बालेन) शाहले संसदमा दिएको विवादास्पद अभिव्यक्तिलाई लिएर विपक्षी दलहरूको दबाब अझै कायम रहेको छ। नेकपा (एमाले) अध्यक्ष केपी शर्मा ओलीले चितवनमा दिएको प्रधानमन्त्रीको स्पष्टीकरण पर्याप्त नभएको भन्दै संसदमै उपस्थित भएर अभिव्यक्ति सच्याउनुपर्ने बताएका छन्।

गत जेठ १७ गते प्रतिनिधिसभामा सांसदहरूको प्रश्नको जवाफ दिने क्रममा प्रधानमन्त्री बालेनले नेपालले पनि भारतको केही भूमि मिचेको भन्ने आशयको अभिव्यक्ति दिएका थिए। त्यसयता विपक्षी दलहरूले उक्त भनाइ संसदको अभिलेखबाट हटाउन र प्रधानमन्त्रीले औपचारिक रूपमा स्पष्ट पार्नुपर्ने माग गर्दै आएका छन्।