आमाको दूधको विकल्प खोज्नु हुँदैन : डा.ओजस्वी शेरचन

काठमाडौँ- प्रतिनिधिसभाको सोमबारको बैठकमा शिक्षा, स्वास्थ्य तथा सूचना प्रविधि समिति सभापति डा.ओजस्वी शेरचनले आमाको दूधको कुनै विकल्प नरहेको बताएकी छन्।

‘आमाको दूधलाई प्रतिस्थापन गर्ने वस्तु (बिक्री वितरण नियन्त्रण) (पहिलो संशोधन) विधेयक, २०८३’ माथिको सैद्धान्तिक छलफलमा उनले मेडिकल साइन्सका अनुसार शिशुलाई आवश्यक पर्ने सम्पूर्ण पोषण तत्त्व सही मात्रा, जीवाणुरहित र प्राकृतिक तापक्रममा आमाको दूधबाट मात्र प्राप्त हुने बताइन्।