किन यति धेरै अनौठा हुन्छन् चराहरू?

सगरमाथाभन्दा माथिबाट उड्दै गन्तव्य पुग्ने खोया हाँस होस् वा एकैचोटिमा १४ हजार किलोमिटर उड्न सक्ने बारटेल्ड गडविट, मौरीझैं सानो हमिङबर्ड होस् कि मान्छेभन्दा ठूलो अस्ट्रिच, उड्न नसक्ने पेन्गुइन होस् वा घन्टामा एक सय ११ किलोमिटरको गतिमा उड्ने कमन स्विफ्ट, यी हाम्रा साथीहरू पृथ्वीका आश्चर्य हुन्।

पृथ्वीको सबभन्दा चिसो ठाउँदेखि सबैभन्दा गर्मी ठाउँसम्म पाइने यी चराहरूको चर्तिकला आफैंमा आश्चर्य हो।