पर्वतमा सुख्खा पहिरोले घर पुरिंदा च्यापिएका वृद्धको उद्धार

पर्वत- पर्वतको जलजला गाउँपालिका–७ लामाबगरमा सुख्खा पहिरोले घर पुरिँदा च्यापिएका ६५ वर्षीय आत्माराम आचार्यको सकुशल उद्धार गरिएको छ।

आज बिहान माथिबाट ढुङ्गामाटोसहितको पहिरो खस्दा आचार्य घरभित्र च्यापिएका थिए। उद्धार टोलीले उनलाई सुरक्षित स्थानमा निकालेको हो। आचार्यको दाहिने आँखामाथि र टाउकोमा चोट लागेको छ।