एप्पलसँग क्वालकमको लाइसेन्स सम्झौता नवीकरण

काठमाडौं । चिप निर्माता कम्पनी क्वालकमले एप्पलसँगको विश्वव्यापी लाइसेन्स सम्झौता नवीकरण गरेको छ । नवीकरण गरिएको सम्झौता सन् २०२७ अप्रिल १ देखि लागू हुनेछ ।

सम्झौताले एप्पलबाट क्वालकमले प्राप्त गर्दै आएको लाइसेन्ससम्बन्धी आम्दानीको स्रोतलाई निरन्तरता दिनेछ । क्वालकम टेक्नोलोजी लाइसेन्सिङका कार्यकारी उपाध्यक्ष तथा महाप्रबन्धक जोन हानले एप्पलसँगको सम्झौता नवीकरण गर्न पाउँदा आफूहरू खुसी रहेको बताएका छन् ।