होटल तथा रेस्टुरेन्टको डिजिटल रूपान्तरणका लागि राष्ट्रिय डिजिटल साक्षरता अभियान सुरु

काठमाडौं । होटल तथा रेस्टुरेन्ट क्षेत्रको डिजिटल रूपान्तरणका लागि ‘राष्ट्रिय डिजिटल साक्षरता अभियान’ शुभारम्भ गरिएको छ । होटल व्यवसायी महासंघ नेपालले ४७ औँ विश्व पर्यटन दिवसका अवसरमा आयोजना गरेको कार्यक्रममा अभियानको शुभारम्भ गरिएको हो ।

एक वर्षसम्म सञ्चालन हुने अभियानमार्फत सातै प्रदेशका होटल तथा रेस्टुरेन्ट व्यवसायीलाई डिजिटल प्रविधि तथा कृत्रिम बुद्धिमत्तासँग जोड्ने लक्ष्य राखिएको महासंघका अध्यक्ष टीआर भण्डारीले जानकारी दिनुभयो ।