पृथ्वीको कक्षमा पहिलोपटक पुग्यो स्टारसिप, २६ स्टारलिंक उपग्रह प्रक्षेपण

काठमाडौं । अमेरिकी अन्तरिक्ष प्रविधि कम्पनी स्पेसएक्सको विशाल रकेट ‘स्टारसिप’ पहिलोपटक सफलतापूर्वक पृथ्वीको कक्षमा पुगेको छ । चौधौँ परीक्षण उडानका क्रममा स्टारसिपले नयाँ पुस्ताका २६ वटा स्टारलिंक उपग्रहसमेत अन्तरिक्षमा तैनाथ गरेको छ ।

टेक्सासस्थित स्पेसएक्सको प्रक्षेपण केन्द्रबाट स्थानीय समयअनुसार सोमबार बिहान स्टारसिप उडाइएको थियो । उडानका क्रममा माथिल्लो चरणमा जडान गरिएका इन्जिनमध्ये एउटामा समस्या देखिए पनि अर्को इन्जिनको सहायताले स्टारसिपलाई पृथ्वीको कक्षमा पुर्‍याइएको थियो ।