व्हाट्सएपको एन्ड्रोइड संस्करणमा आईफोनजस्तै नयाँ डिजाइन परीक्षण

काठमाडौं । मेटाको स्वामित्वमा रहेको मेसेजिङ एप व्हाट्सएपले एन्ड्रोइड एपको तल्लो नेभिगेसन बारमा नयाँ डिजाइन परीक्षण गरिरहेको छ । WABetaInfo का अनुसार यो नयाँ डिजाइन हाल व्हाट्सएपको बेटा एन्ड्रोइड संस्करणमा परीक्षण भइरहेको हो । उक्त बेटा संस्करण गुगल प्ले स्टोरमार्फत उपलब्ध छ ।

नयाँ डिजाइनमा तल्लो मेनु बारलाई मुख्य स्क्रिनबाट केही अलग देखिने गरी तयार गरिएको छ । यसमा मेनु बार स्क्रिनको तल्लो भागमा मिसिएको जस्तो देखिनुको सट्टा गोलाकार किनारासहित तैरिएको शैलीमा देखिनेछ ।