नअह्राएको काम गरेर धर्तीबाट बिदा भए सुरेशसर

नेपालको प्रसिद्ध पर्यटकीय जिल्ला सोलखुम्बुको तेङ्बोचे पुगेका एक पुरुष पात्र ओरालो लागेर फेदी भन्ने ठाउँमा चिया पिउने उद्देश्यले रोकिएछन्। एकल यात्रामा निस्किएका उनी उमेरले ६ दशक कटिसके पनि, मनको तन्नेरीपन भने अलिकति पनि ओइलाएको रहेनछ। चिया पसलमा दुई युवा भेट भएछन्। दुईमध्ये ३०–३५ वर्ष उमेरका देखिने तर कैयौँ पटक सगरमाथा र आमादब्लामका शिखर चुमेका एक शेर्पा परेछन्।

ती युवक र उनका पितासमान उमेरका देखिने व्यक्तिको बीचमा रोचक संवाद सिर्जना भएछ।