आज कति छ कालीमाटीमा तरकारी तथा फलफूलको मूल्य ?

काठमाडौं- कालीमाटी फलफूल तथा तरकारी बजार विकास समितिले आजका लागि विभिन्न कृषि उपजको न्यूनतम तथा अधिकतम थोक मूल्य सार्वजनिक गरेको छ। मूल्यसूचीअनुसार बजारमा प्याज सुकेको भारतीयको मूल्य प्रतिकेजी ९३ देखि ९८ रुपैयाँसम्म रहेको छ भने स्थानीय गाजर १२० देखि १४० रुपैयाँसम्म बिक्री भइरहेको छ।

तरकारीमध्ये स्कुस प्रतिकेजी १५ देखि २५ रुपैयाँ, चिचिण्डो ३० देखि ४० रुपैयाँ, रातो मूला ४० देखि ५० रुपैयाँ, बन्दा ७० देखि ८० रुपैयाँ र काउली १०० देखि १२० रुपैयाँसम्म रहेको छ। भटमासकोशा १८० देखि २०० रुपैयाँ तथा बोडी ९० देखि १०० रुपैयाँसम्म पुगेको छ।