डिजिटल वालेट प्रयोगकर्ताका लागि नयाँ व्यवस्था, कम्पनी बन्द भए ३० दिनमै पैसा फिर्ता

काठमाडौं- नेपालमा डिजिटल वालेट तथा अन्य भुक्तानी सेवा प्रदायकको संख्या बढेसँगै ग्राहकको रकम सुरक्षाको विषय पनि महत्वपूर्ण बन्दै गएको छ। अनुमति लिएका केही डिजिटल वालेट कम्पनी बजारबाट बाहिरिन थालेपछि सेवा प्रदायक बन्द भएमा ग्राहकको वालेटमा रहेको रकम कसरी फिर्ता गर्ने भन्ने विषयमा चासो बढेको हो।

नेपाल राष्ट्र बैंकले पछिल्लो समय भुक्तानी सेवा प्रदायकको अनुमति, नवीकरण तथा सञ्चालनमा नियामकीय कडाइ गर्दै आएको छ। केही भुक्तानी सेवा प्रदायकको अनुमति खारेज भइसकेको छ भने केहीको अनुमति नवीकरणसमेत भएको छैन।