बालेन्द्र सरकार मूल्यवृद्धि नियन्त्रण र डेलिभरीमा असफल

काठमाडौँ - ठूलो उत्साह र योजनाकासाथ दुई तिहाइ नजिकको बहुमत ल्याएर राष्ट्रिय स्वतन्त्र पार्टी (रास्वपा)ले शक्तिशाली एकल सरकार गठन गरेको ६ महिना पूरा भएको छ । सरकारले आफैले अघि सारेको ‘वाचापत्र’ अनुसार भने काम गर्न सकेको देखिदैन ।

सरकार गठनभएसँगै १०० बुँदे शासकीय सुधार कार्यसूची समेत ल्याएको थियो । उक्त कार्यसूची अनुसार केही केही साहसिक निर्णयमार्फत प्रशंसा समेत पायो । केही कानुनी जटिलता हटाउनको लागि नीतिगत निर्णय पनि भए ।