शेयर बजारको समस्याबारे ‘एक्सन’मा अर्थ समिति, नेप्से र सेवोनसहितका सरोकारवालाहरूलाई छलफलमा बोलायो

काठमाडौं– सङ्घीय संसद्, प्रतिनिधिसभाअन्तर्गतको अर्थ समितिले नेपालको पूँजी बजारलाई थप व्यवस्थित, पारदर्शी र लगानीकर्तामैत्री बनाउने विषयमा सरोकारवाला निकायहरूसँग छलफल गर्ने भएको छ ।

समितिको भोलि बिहान साढे ८ बजे बस्ने बैठकमा विशेषगरी धितोपत्र निष्काशन तथा सूचीकरण, बजार सञ्चालन तथा नियमन, लगानीकर्ताको हित संरक्षण र पूँजी बजारसँग सम्बन्धित विद्यमान कानुनी तथा नीतिगत व्यवस्थाको समीक्षालगायतका विषयमा छलफल हुने जनाइएको छ ।