बाढीपहिरोले दुई जलविद्युत आयोजनाको विद्युत उत्पादन र प्रसारण ठप्प

काठमाडौं – अविरल वर्षासँगै आएको बाढीपहिरोका कारण प्रसारण लाइनका टावर तथा पोलमा क्षति पुग्दा म्याग्दी र बाग्लुङमा सञ्चालित दुई जलविद्युत आयोजनाको विद्युत उत्पादन तथा प्रसारण पूर्ण रूपमा अवरुद्ध भएको छ ।

माउण्टेन इनर्जी नेपाल लिमिटेड र दरमखोला हाइड्रो इनर्जी लिमिटेडले नेपाल स्टक एक्सचेन्ज (नेप्से) लाई छुट्टाछुट्टै पत्र पठाउँदै आफ्ना आयोजनाबाट विद्युत उत्पादन तथा प्रसारण बन्द भएको जानकारी दिएका हुन् ।