बाढी-पहिरोका कारण ६२० मेगावाट बिजुली प्रणाली बाहिर

काठमाडौँ- नेपाल विद्युत् प्राधिकरणले अविरल वर्षापछि आएको बाढीपहिरो तथा भोटेकोशी बाढीका कारण विद्युत् उत्पादन, प्रसारण तथा वितरण संरचनामा क्षति पुग्दा करिब ६ सय २० मेगावाट बिजुली प्रणालीबाट बाहिरिएको जनाएको छ ।

प्राधिकरणका कार्यकारी निर्देशक दीर्घायुकुमार श्रेष्ठले असोज ९ को बाढीपहिरोका कारण १ सय ९० र भोटेकोशी बाढीका कारण ४ सय ३० गरी ६ सय २० मेगावाट बिजुली राष्ट्रिय प्रणाली बाहिर रहेको जानकारी दिनुभयो ।