सुनको मूल्यमा भारी गिरावट, तोलामै ३८ सय घट्यो

काठमाडौं – नेपाली बजारमा सुनको भाउ लगातार दोस्रो दिन घटेको छ। मंगलबार सुनको मूल्य प्रतितोला तीन हजार आठ सय रुपैयाँले घटेर दुई लाख ९० हजार पाँच सय रुपैयाँमा झरेको छ ।

नेपाल सुनचाँदी व्यवसायी महासंघका अनुसार सोमबार प्रतितोला दुई लाख ९४ हजार तीन सय रुपैयाँमा कारोबार भएको सुन मंगलबार तीन हजार आठ सय रुपैयाँ घटेको हो । यसअघि सोमबार पनि सुनको मूल्य प्रतितोला पाँच हजार रुपैयाँले घटेको थियो ।