बहत्तर वर्षपहिलेको त्यो बाढी

हामीले पछिल्लो एक शताब्दीमा नेपालमा भएका विपत्तिका घटनालाई हेर्‍यौँ भने सबैभन्दा ठूलो विपत्ति १९९० सालको महाभूकम्पलाई मानिन्छ तर त्यस महाभूकम्पभन्दा पनि महाविपत्तिका रूपमा भोटेकोशी–त्रिशूलीमा आएको बाढीलाई मान्न सकिन्छ । नेपालमा बाढीले पटक पटक जनधनको ठूलो विनाश निम्त्याएको इतिहास छ ।

आजभन्दा १२४ वर्षअगाडि अन्तर्राष्ट्रिय सञ्चार माध्यममा काठमाडौँ उपत्यकाको भयङ्कर बाढी पहिरोको समाचार छापिएको थियो । विसं १९५९ भदौ (सन् १९०२ अगस्त) मा लगातारको वर्षाले बागमती र विष्णुमती नदीमा आएको बाढी तथा पहिरोका कारण सयौँले ज्यान गुमाएका थिए । त्यतिबेला बाढीले बगाएर सयौँ मानिसले ज्यान गुमाउनु सामान्य घटना थिएन ।