अमेरिकामा ठूलो स्टिल कारखाना निर्माण गर्न भारतीय एस्सार समूहले १८ अर्ब डलर लगानी गर्ने

एजेन्सी । अमेरिकाका राष्ट्रपति डोनल्ड ट्रम्पले भारतीय बहुराष्ट्रिय औद्योगिक समूह एस्सार ग्रुपले आफ्नो सहायक कम्पनी मेसाबी मेटालिक्समार्फत आयोवा राज्यमा अमेरिकी इतिहासकै सबैभन्दा ठूलो स्टिल कारखाना निर्माण गर्न १८ अर्ब अमेरिकी डलर लगानी गर्ने सोमबार घोषणा गरेका छन् ।

ह्वाइट हाउसको ओभल अफिसबाट घोषणा गर्दै ट्रम्पले वार्षिक १ करोड टन स्टिल उत्पादन गर्ने यस कारखानाको घोषणा गर्न पाउँदा आफू अत्यन्त उत्साहित भएको बताए । यो भारतको वार्षिक उत्पादनको तुलनामा सानो हिस्सा भए तापनि यसले यसलाई अमेरिकाको एकल स्थानमा रहेका सबैभन्दा ठूला कारखानाहरूमध्ये एक बनाउनेछ ।