‘स्पट फिक्सिङ’मा १० जनाको संलग्नता अनुसन्धान गर्दै सीआईबी

काठमाडौं । नेपाल टी–२० लिग स्पट फिक्सिङमा १० जना संलग्न रहेको प्रारम्भिक अनुसन्धानले देखाएको छ । ‘स्पट फिक्सिङ भएको’ भन्दै नेपाल प्रहरी केन्द्रीय अनुसन्धान ब्युरो (सीआईबी)ले अनुन्धान गर्दै आइरहेको छ । सीआईबीले मंगलबार पत्रकार सम्मेलन गर्दै प्रारम्भिक अनुसन्धानले ‘स्पट फिक्सिङ’मा ४ नेपाली र ६ विदेशी गरी १० जनाको संलग्नता देखाएकोे हो ।

गत ९ देखि २७ पुससम्म काठमाडौंमा सम्पन्न ‘नेपाल टी–२० लिग’मा ‘स्पट फिक्सिङ’ आरोप लागेका पूर्वराष्ट्रिय क्रिकेटर महबुब आलम र राष्ट्रिय क्रिकेट टोली सदस्य आदिल अन्सारीलाई भने सीआईबीले सोमबार नै पक्राउ गरिसकेको छ । अन्यको भने सीआईबीले खोजी गरिरहेको छ ।