तीन महिनादेखि बन्द मार्तडी–कोल्टी सडक खुलाउन काम सुरु

काठमाडौं– वर्षायाम सुरु भएसँगै तीन महिनादेखि अवरुद्ध मार्तडी–कोल्टी सडकखण्ड सञ्चालनमा ल्याउन काम सुरु गरिएको छ । असार दोस्रो सातादेखि बन्द रहेको सडकखण्ड केही दिनभित्रै सञ्चालनमा ल्याउने गरी पहिरो हटाउने र सडक मर्मतको काम थालिएको हो ।

प्रमुख जिल्ला अधिकारी डोरेन्द्र निरौलाका अनुसार पूर्वाधार विकास कार्यालय अछामसँगको समन्वयमा बडीमालिका नगरपालिकाको यन्त्र प्रयोग गरी सडक खुलाउने काम सुरु गरिएको हो ।