प्रतिनिधिसभाः क्षतिग्रस्त पूर्वाधारको पुनर्निर्माण, कृत्रिम अभाव र कालोबजारी नियन्त्रण गर्न सांसदको सुझाव

काठमाडौँ। मनसुनजन्य विपद्बाट क्षतिग्रस्त सडक तथा अन्य पूर्वाधारको पुनर्निर्माण, जोखिममा रहेका बस्तीको स्थानान्तरण र चाडपर्वका बेला हुन सक्ने कृत्रिम अभाव तथा कालोबजारी नियन्त्रण गर्न सांसदहरूले सरकारको ध्यानाकर्षण गराएका छन्।

प्रतिनिधिसभाको मंगलबारको बैठकको शून्य समयमा सांसदहरूले बाढी, पहिरो र डुबानबाट क्षतिग्रस्त पूर्वाधार तत्काल पुनर्निर्माण गर्न तथा जोखिममा रहेका बस्तीको अध्ययन गरी सुरक्षित स्थानमा स्थानान्तरण गर्न माग गरेका हुन्। संघीय संसद्को अभिलेखअनुसार असोज १३ गते प्रतिनिधिसभाको बैठक बसेको थियो।