एउटा यस्तो अस्पताल जहाँ जिम, योग र वेलनेस सेन्टर पनि छ

काठमाडौं - सामान्यतया अस्पताल भन्नेबित्तिकै बिरामी, चिकित्सक, औषधि, उपचार र स्वास्थ्य परीक्षणको तस्वीर मनमा आइहाल्छ।अस्पताललाई रोग लागेपछि उपचार गर्ने स्थानका रुपमा बुझिन्छ। तर, भक्तपुरको लोकन्थली मनोहरा फाँटस्थित बीपीआई फाउन्डेसनले सञ्चालन गरेको बाल आँखा, नाक, कान, घाँटी तथा पुनर्स्थापना केन्द्रले अस्पतालको यही परम्परागत अवधारणाभन्दा केही फरक अभ्यास गरिरहेको छ।

यहाँ उपचारसँगै व्यक्तिलाई स्वस्थ राख्ने र उपचारपछि स्वास्थ्यलाई सामान्य अवस्थामा फर्काउन सहयोग गर्ने उद्देश्यले जिमसहितको वेलनेस सेन्टर सञ्चालनमा छ।