भारतीय कर नीतिले जुट उद्योग संकटमा परेको भन्दै सरकारको ध्यानाकर्षण

काठमाडौं – भारतले नेपाली जुटजन्य उत्पादनमा लगाएको कर नीतिका कारण नेपालको जुट उद्योग संकटमा परेको भन्दै राष्ट्रिय स्वतन्त्र पार्टीकी सांसद निशा डाँगीले सरकारको ध्यानाकर्षण गराएकी छन् ।

प्रतिनिधि सभाको मंगलबारको बैठकमा बोल्दै सांसद डाँगीले जुट उद्योगको संरक्षणका लागि तत्काल कूटनीतिक पहल गर्न सरकारसँग माग गरेकी हुन् ।