अध्यादेशले निष्क्रिय पारेका ८५ ऐनका व्यवस्था जगाउने विधेयकको सरकारले दियो यस्तो जवाफ

काठमाडौं– सरकारले अध्यादेशमार्फत निष्क्रिय बनाइएका ८५ वटा ऐनका पुराना व्यवस्था पुनःस्थापित गर्न विधेयक ल्याउनुको कारण प्रतिनिधिसभामा स्पष्ट पारेको छ।

प्रतिनिधिसभामा विधेयकमाथि भएको सैद्धान्तिक छलफलका क्रममा सांसदहरूले केही समयअघि अध्यादेशमार्फत प्रचलित कानुनका व्यवस्था परिवर्तन गरिएको र अहिले फेरि ती व्यवस्था साविककै अवस्थामा फर्काउन विधेयक ल्याइएको विषयमा प्रश्न उठाएका थिए।