चार दिनपछि खुल्यो बीपी राजमार्ग, वैकल्पिक र अस्थायी डाइभर्सनबाट यातायात सञ्चालन

काभ्रेपलाञ्चोक । अविरल वर्षाका कारण बाढीपहिरोले चार दिनदेखि अवरुद्ध बनेको बीपी राजमार्ग अन्ततः मङ्गलबार बिहानदेखि पुनः सञ्चालनमा आएको छ। बाढीले बगाएका स्थानमा अस्थायी ‘डाइभर्सन’ निर्माण तथा विभिन्न खण्डमा खसेको पहिरो पन्छाएसँगै सवारी आवागमन सुरु गराइएको डिभिजन सडक कार्यालय भक्तपुरले जनाएको छ।