गुडिरहेको बसमाथि ढुंगा खस्दा चार जना घाइते, दुई गम्भीर 

चितवनबाट बर्दियातर्फ जाँदै गरेको सु.प.प्र.०१-००१ ख ३७३० नम्बरको बसमाथि कपिलवस्तुको शिवराज नगरपालिका-१, चोरखोला ढुंगा खस्दा चार जना घाइते भएका छन्।

मंगलवार राति साढे १ बजेतिर गुडिरहेको बसमाथि ढुंगा खस्दा बसमा सवार २ जना पुरुष गम्भीर घाइते भएको र दुई जना महिला सामान्य घाइते भएको छन्। घाइते चार जना नै सिटमा च्यापिदा भएका थिए। चालकले बसलाई भालुबाङ पुर्‍याएर दुर्घटना बारे सुरक्षाकर्मीलाई जानकारी गराए पछि सशस्त्र प्रहरीले सिट काटेर उनीहरूको उद्धार गरेका थिए।